အောက်ပါ အချက်အလက်တွေကတော့ Allan Pease, Lillian Glass နဲ့ အခြားနာမည်ကျော် စိတ်ပညာရှင်များရဲ့ စမ်းသပ်မှု ရလဒ်တွေကို မှီငြမ်းပြီး ပြန်လည်ဖော်ပြထားတာလည်း ဖြစ်ပါတယ်။ လူတွေ လိမ်ညာစကား ပြောပြီဆိုရင် လုပ်လေ့အရှိဆုံး အပြုအမူ ၆ မျိုးဖြစ်ပါတယ်။
(၁) နှုတ်ခမ်းအနေအထား – မဟုတ်မမှန်တစ်ခုခု ပြောတော့မယ့်လူတစ်ယောက်ဟာ နှုတ်ခမ်းတအားခြောက်လာပြီး နှုတ်ခမ်းကိုက်တာ၊ လျှာနဲ့သပ်တာမျိုး ခဏခဏ လုပ်တတ်ကြပါတယ်။ စိတ်ဖိစီးမှုများလာတဲ့အခါ တံတွေးထုတ်လုပ်မှုဟာ အလိုလို လျော့ကျသွားတဲ့အတွက်ပါ။ သူဒီလိုလိမ်ပြောနေတဲ့အချိန် ရေတစ်ခွက်သာ ပေးလိုက်ရင် မြန်မြန်ဆန်ဆန်ကို သောက်ချလိုက်မှာပါ။
(၂) မျက်လုံးအနေအထား – လိမ်ပြောနေရင် မျက်လုံးကို တည့်တည့် ကြည့်မပြောရဲဘူးဆိုတာတော့ ကြားဖူးကြမှာပါ။ ဒါပေမယ့် လူတစ်ယောက်က သင့်ကို လိမ်နေပြီဆိုရင် သူတို့ ပြောတာ သင့်ကို ယုံစေချင်တဲ့အတွက် သူတို့ကိုယ်သူတို့ ယုံကြည်ထိုက်ပုံပေါက်အောင် သင့်မျက်နှာကို စေ့စေ့ကြည့်ပြီး ပြောပါလိမ့်မယ်။ လိမ်နေတဲ့အတွက် သူတို့ လှည့်ထွက်သွားချင်စိတ်ကြောင့်လည်း သင့်ကို စိုက်ကြည့်တဲ့ မျက်လုံးကို ပိုအားယူပြီး စိုက်ကြည့်နေပါလိမ့်မယ်။
(၃) လှုပ်ရှားမှု – လူတစ်ယောက် လိမ်နေပြီဆိုရင် ဂနာမငြိမ် ဖြစ်တတ်သလိုပဲ အဲ့ဒါနဲ့ ဆန့်ကျင်ဘက်ဖြစ်တဲ့ သိပ်မလှုပ်တာလည်း ဖြစ်တတ်ပါတယ်။ သူတို့ကိုယ်သူတို့ တတ်နိုင်သမျှ သတိထားနေပြီး တည်ငြိမ်ချင်ယောင် ဆောင်နေတဲ့အတွက်ပါ။
(၄) စကားပြောပုံ – လက်ညှိုးထိုးပြီး စကားပြောတာ ရိုင်းတဲ့ အပြုအမူတစ်မျိုးပါပဲ။ သူ့ကို တစ်ခုခုမေးလိုက်လို့ သူက ဒေါသထွက်တဲ့ပုံနဲ့ အတင်းလက်ညှိုးထိုးပြီး ပြန်ပြောတာဟာ သူ့ဘက်က မဟုတ်မမှန်လုပ်ထားတာကို အတင်းဖုံးကွယ်ချင်တဲ့ လက္ခဏာဖြစ်ပါတယ်။
(၅) လည်ပင်းနဲ့ အင်္ကျီကော်လံ – လည်ပင်းဟာ ခန္ဓာကိုယ်ရဲ့ အထိခိုက်လွယ်ဆုံး အစိတ်အပိုင်းတွေထဲက တစ်ခုဖြစ်တဲ့အတွက် အန္တရာယ်ကျရောက်ပြီလို့ စိတ်က ဖြစ်လာတဲ့အခါ အင်္ကျီကော်လံကို ဆွဲဟတတ်ကြပါတယ်။ ဒီအမူအရာဟာ အတော်ကို စိတ်မသက်မသာဖြစ်နေတယ်ဆိုတဲ့ အမူအရာပါ။ နောက်တစ်ခုက တစ်ဖက်က မေးခွန်းကို တကယ်စဉ်းစားနေတဲ့ပုံမျိုးနဲ့ ဇက်ကို ကိုင်တတ်ကြပါတယ်။
(၆) အရာဝတ္ထုရဲ့ အကူအညီ – လိမ်ညာပြောနေပြီဆိုရင် ကြောက်စိတ်ရှိလာပြီး ပိုတည်ငြိမ်ချင်တဲ့အတွက်ကြောင့် စားပွဲ၊ ထိုင်ခုံ၊ နံရံ စသဖြင့် တစ်ခုခုကို မှီပြီး ပြောတတ်ကြပါတယ်။ ဒီအပြုအမူဟာ ကလေးဘဝတုန်းက တစ်ခုခုကို ကြောက်ပြီဆိုရင် တစ်ခုခုကို မှီပြီး ပုန်းတတ်ကြတဲ့ အကျင့်ကနေ ပေါ်ပေါက်လာတာပါ။
TheXB
